Ka jingpawnam u bah Amazing Kurbah ha ka por ialap ilekshon ha ilekshon MLA ha Sohiong constituency ka la pynlong ia ka Chwa Syiemlieh Film Production ba kan jied ia u ban don bynta ban shad ha ka music video Shillong sha Dhaka na ka phlim Dhaka Escape ban shad lang bad u Phira Dohtdong bad Nadia Syiemlieh.
Nalor kitei ki ar ngut, ka Chwa Syiemlieh Film Production ka la ioh ruh ia ka Sherilin Khongwar bad Rishisha Mynsong kiba dei ki puron na ka phlim Student Bangalore ban wan shad lang bad u bah Amazing Kurbah.
Kane ka jingrwai la rwai da u Arman Disiar bad Ebiang Lyngdoh ba la shna ia ki kyntien da u bah Section Syiemlieh uba dei u Director ka phlim Dhaka Escape bad Producer ha ka juh ka por ba la pynwandur ia ki jingtem da u DJ Wanshan.
Ia kane ka music video yn ringdur da u bah Elvest Thabah bad yn hikai shad da u bah Wanbet Shangpliang.
Yn jied ruh 10 ngut ki kynthei bad 10 ngut ki shynrang ba kin shad ha kane ka music video na kib a iashim bynta ha ka 4th Khasi Dancing & Singing Competition ba la pynlong da ka phlim Dhaka Escape.
Ia ka phlim Dhaka Escape kaba la wanring dur na Bangladesh la pynkhreh ban pyni ha bijou cinema bad galaria ha u bnai Naiwieng 2023.