Shillong, Nohprah 13
Ka puron jong ka phlim Johkhe.com ka Rimika Dkhar kaba dang pule BSc ha Kiang Nangbah College, Jowai ka la kyndeh ka mynsiem ban ioh leit bamkhana bad ki tyngshop bad ki puron ka phlim Dhaka Escape sha Sahksaw, East Jaintia Hills District hadien b aka jingrwai ba dang shu pyllait ha youtube ka la sngewtynnad.
Kane ka jingrwai kaba ai kyrteng Shillong sha Dhaka na ka phlim Dhaka Escape ka dei kaba la rwai dau Arman Disiar bad Ebiang Lyngdoh kaba la pyllait ha Chwa Syiemlieh production youtube channel mynha ka 8 tarik mynta u nbnai nohprah 2023.
Ka Rimika Dkhar ryngkat ki paralok na Jaintia kin ap lang baroh ha Jowai ia ka bos kaba mih na Shillong namar ka dei ka sien kaba nyngkong ba kan iakynduh bad ki tyngshop bad ki puron kaphlim Dhaka Escape kaba la ak da u Phira Dohtdong bad Nadia Syiemlieh kiba la wan ringdur na Bangladesh.
Kane ka jingleit bamkhana sha Sahksaw ka dei ba la pynbeit da ka phlim Dhaka escape kan dei ha ka 16 tarik mynta u bnai kaba long shi bynta ban pan jingkyrshan na ki paidbah haba ka phlim ka la jan pyni ha cinema.