Shillong, Lber 24:
Ka Khasi Jaintia Presbyterian Synod Pdeng Standing choir kan sa ioh ban ai ar tylli ki jingrwai ha ka jingiaseng jong ka General Assembly ka Presbyterian Church of India kaba dei ka jingiakynduh lang ki 12 tylli ki synod ka ban long ha Aizawl, Mizoram kaba la pdiang da ka Mizo Synod ka ban long ha u bnai Jymmang mynta u snem 2024.
Ia kane ka jingioh rwai ka KJP Synod Pdeng Standing Choir ha jingiaseng PCI ha Mizoram ka dei kaba la pyntip da u Moderator ka Synod uba la pyniaid ia ka jingiaseng jong ka Khasi Jaintia Presbyterian Provisional Synod Pdeng jong ki rangbah kaba arsien kaba la pynkut mynta ka sngi u Blei kaba la long ha Balang Presbyterian Kharang kaba hap ha Mawkynrew Presbytery kaba hap ha Mawkynrew Block, East Khasi hills District.
U moderator u la iathuh ba ha kane ka jingiaseng PCI kan sa ithuh noh ia ka KJP Synod Pdeng kum ka synod kaba pura hadien ba ka mih noh na ka KJP Synod Mihngi.