Shillong, Jymmang 10:
Kum shibynta ban rakhe ia ka jingdap 14 snem ka jingiaid lynti, ka Meghalaya Filmmakers Assocation kan pynlong ia ka jingiakop shad (open to all) kaba shisngi ha ka 18 tarik u bnai June 2024 ha State Central Library Shillong.
Ka jingpynrung kyrteng ne ban shim ia ki phom ia ki nongshad kan sdang naduh 10:baje mynstep haduh 11:00 baje mynstep namar hap ban pynkut noh ha ka por 4:00 baje nohphai sngi namar hadien ka 4 baje kan don ka prokram rakhe jingdap 14 snem ka Meghalaya film makers association bad ban sam ia ki khusnam ki nongjop.
Ha kane ka jingiakop shad yn pdiang ban shad tang hapoh 50 ngut bad ki jingrwai kin shad katba ki sngewtynnad ban jied khlem buh kyndon. Ka por ban shad ka dei ban long hapoh 3 minit khnang ban ioh ban pyndep kloi ia kane ka jingiakop shad.
Ka bairung ka long 500 tyngka lada shad marwei ne shad group bad kan khusnam ka long ia kiba jop ka long 10 hajar tyngka, ba ar 5 hajar tyngka bad balai 3 hajar tyngka.
Ki nongbishar kiba ka seng ka la pynbeit haduh mynta ka long Michael syiemiong bad wanri pyngrope kaba dei ka puron ki phlim khasi.
Kumban shu kdew ka Meghalaya filmmaker association ka dei ka kynhun ki nongshna phlim hapoh ka jylla ban tehsong ia baroh ki nongpynmih phlim lane producer, ki nongshna lane director, ki tyngshop ki puron, baroh ki artis, ki nongrwai, ki nongshad kiba ak short film, kiba dei trai ha ki studio bad kiwei de.