Shillong, Jylliew 26:
U Bah Honorius Nongrum uba dei u rangbah dong ka shnong Nongrimhills bad uba peit i aka surok na Urkaliar sha Nongrimhills ban poi sha Rynjah u la iathuh b aka jingslem ban pyndep i aka surok ka bun palat ka jingeh kaba ki iakynduh bad ki shipai namar mynta la lai bnai kim pat ai jingbit ban pom ia ki san tylli ki diengkseh kiba don harud surok n aka bynta ban pynheh iaka surok.
Kane ka jingkwah ban pynshai u bah Honorius Nongrum ka dei namar ha kine ki sngi ki riew paidbah ki la pynpaw i aka jingeh i aka leit ka wan namar ka jingbym shah ban iaid kali na Urkaliar sha Nongrimhills ban leit sha Rynjah, Umpling, Nongrah.
U la iathuh ba ia kane ka surok la sdang ban khang ban iaid ia ki kali naduh u bnai Jymmang mynta u snem hynrei ka jingsahkut ban pyntrei ka daw namar haba la tih ia ka surok ki hap shna pynbha ia ki pipe um, nangta ki waiar Jio, waiar All India Radio, ki sainar bording jong ki shipai kiba pyniaid napoh khyndew bad hap shna sa ia ki nala ban pyntuid ia ka um.
U la iathuh ruh haba la wan u slap ka jingtrei ka la sahteng namar ki dewbilat kiba la dep khleh ki shu longlehnohei noh namar don kip or ba la dep shna ka hap biang lada wan u slap.
Shuh shuh u la iathuh biang ba tang ban bret ia ki rong kiba la dep khlong kam dei kaba suk namar lada bret pathar ioh shah ujor ha ki trai jaka hynrei u sngewkmen ba ia ki rong ba la dep khlong la dep ioh ia ka jaka kaba jan ban bret.
U Bah Honorius u la pyntip ba ynda la siang ki maw bad tap da ki khyndew yn shah ia ki kali ban iaid bad ynda la dei ban siangrong yn khang biang ban nym pynthut.
U la pyntip ba ia kane ka surok la dep shna kumba 50 percent namar don ki bynta la dep siang maw kumta u la kyrpad ia ki paidbah ban iaishah namar ynda la shna bha ka jingsuk kan long ia ki paidbah haba ki iaid ki ieng.