Shillong, Naiwieng 11
Ka Nadia Syiemlieh ka puron lamkhmat jong ka phlim Dhaka Escape ka la pynpaw ba kam poi pyrkhat ba u bah Amazing Kurbah u khlur ialap ilekshon ha Sohiong constituency ba un tbit ban shad ha kane ka music video ka phlim Dhaka Escape kaba la ai kyrteng Shillong sha Dhaka.
Ka la iathuh iathuh ba ka la jop nyngkong kum ka thei bhabriew ha South Africa ha u snem 2018 bad hadien ba ka la wanphai ka wan leh audition namar ka kwah ban pynsahnam ialade ha ka phlim Dhaka Escape.
Ka la iathuh ba ha kane ka jingrwai phlim Dhaka escape ka la shah hikai palat ar bnai ryngkat ki 80 ngut ki nongshad synran kibala jied na ka 4th Khasi Dancing & Singing Competition 2023.
“Ngam lah ban ong mano ba kham tbit hapdeng u Phira bad Amazing namar baroh ar ngut ki dei kiba tbit ban shad” ka la ong.
Ka Nadia Syiemlieh ka la iathuh ba mynta kam leh model shuh hynrei ka shu pyniaid ia kane ka kam ban leh model ia kiwei.
Ha ka juh kapor la iathuh haba ka leit ringdur ia ka phlim Dhaka Escape sha Bangladesh haba ka sah ha kishnong khasi ka sngew kumba ka sah ha iing la jong namar ka jingburom ka jong ki.
Shuh shuh ka laiathuh haba ka leit sha Bangladesh ban ak bad u Phira Dohtdong ka la iakynduh ia ki nong Bangladesh kiba jrong bha ki tmain.
Ka la kynmaw ruh ia ka puron synran ka Mercy Sohlamar kaba dei ka samla khasi kaba sah ha Bangladesh kaba la ioh ban ak lang ha kane ka phlim Dhaka Escape hynrei mynta kane ka puron ka la sah ha Bangladesh naduh u snem 2020.