Mumbai:
Ka dei ka khubor kaba phylla bad bym lah ngeit ba ki briew kiba duk kiba imsngi ban khrong na ki paidbah kiba iaid ba ieid ia ki nongpan jingpan, ngi ju pyrkhat ia u briew uba im ha ka jingduk kaba jur, un kylla long uba riewspah tam ha pyrthei lada ianujor para nongkhrong.
Une u nongkhrong u dei uba la tip kyrteng u Bharat Jain, uba riewspah tam ym tang ha ri India hynrei ha ka pyrthei baroh kawei, katkum ka Economic Times. U Bharat Jain u dei na Mumbai bad u don ki jaka kiba shongdor da ki klur tyngka, uba kamai tam ia kiba bun ki nongtrei jong ki kompeni kiba la nang la stad bha.
U Bharat Jain u la mad ia ka jingeh ha ka liang ka pisa tyngka kaba la khanglad ia u ban ioh ia ka jingnang jingstad. Hynrei wat hapdeng kine ki jingeh baroh u la shongkurim bad u la don arngut ki khun shynrang, baroh arngut ki la pyndep ia ka jingpule jong ki baroh namar ka jingaiti bad jingtrei shitom jong u. La iathuh ba ka jingdon jingem jong u Bharat Jains, ka long kumba 7.5 klur tyngka bad ka jingioh jong u man u bnai, ka long hapdeng kumba 60,000 haduh 75,000 tyngka kaba kham heh shibun ban ia kiba bun ki nongtrei kiba ioh tulop ha India.
u Bharat um shym la kamai pisa tang lyngba ka jingkhrong hynrei u la leh ruh ia ki jingbei tyngka kiba stad. U don ar tylli ki flat ha Mumbai kiba shongdor T.1.4 klur bad u la bei tyngka ha ki ar tylli ki dukan ha Thane. Kine ki dukan ki wanrah ia ka jingioh bai wai kaba T. 30 hajar man u bnai kaba iarap ia u ban ioh ia ka kamai kaba stet nalor ka jingkamai jong u na kaba pan jingkyrpad.
Wat la u don shibun ka spah, u Bharat Jain u dang iai bteng ban pan khrong ha ki jaka kum ka Chhatrapati Shivaji Terminus bad ka Azad Maidan ha Mumbai. U sah ha ka thain Parel bad ki khun jong u ki leit pule ha kawei ka skul convent. Ka longiing jong u ka pyniaid ia ka dukan thoh kot kaba ai sa kawei pat ka lad kamai ia ki.
Ka jingiathuhkhana jong u Bharat Jain ka long ka jingpynshisha ia ka jingtrei shitom bad jinglah ban shah kaba phylla. Wat la u la mad ïa ki jingeh ha ka liang ka pisa ha ka por ba u dang rit, hynrei um shym la ïoh tang ïa ka spah kaba khraw hynrei u la pynthikna ruh ïa ka lawei kaba bha na ka bynta ka longïing jong u.