Shillong, Lber 22 : Ka Dr Mazel Ampareen Lyngdoh ha ka sngi Thohdieng ka 22 tarik Lber 2024 ka la leit ban thep kyrteng ïalade na ka bynta ban ïakhun ïa ka elekshon Lok Sabha na ka Shilllong Parliamentary constituency na ka seng National People’s Party, kaban sa long ha ka 19 tarik Ïaiong 2024.
Ha kane ka jingleit thep kyrteng ka Kong Ampareen Lyngdoh ha u Returning Officer ha ophis Deputy Commissioner jong ka East Khasi Hills District, la synran lang naduh u Bah Prestone Tynsong, Bah Sñiawbhalang Dhar kiba dei ruh ki Symbud Myntri Rangbah ka Jylla, Bah pynïaid Sing Syiem CEM KHADC, Bah Banteidor Lyngdoh, Bah Gavin Mylliem, Kong Santa Mary Shylla, Bah Fantin Lakadong, Bah HM Shangpliang bad ki paidbah nongkyrshan.
Ka Dr. Mazel Ampareen Lyngdoh kadei ruh kaba nyngkong eh ka kyrtong ba leit thep kyrteng na ka bynta ka jingïakhun ïa ka elekshon MP.