Shillong, Kyllalyngkot 05
Kham niar ban lap ba ki riew paidbah kin mih shakhmat ban pynlut hi ia ka spah ka phew khlem da donkam ka jingïarap na ka sorkar hynrei ki ar ngut ki samla rangbah kata u bah World Champion Paliar bad bah Stevenson Khongtyngkut ki la pynlut hi na ka pla lajong haduh 65 lak tyngka ka pisa ban shna ia ka madan futsal ha Lumpyngrope kaba iaid na Mawlai Nongkwar Lummawnei ka surok na lad Banalari World Car.
Ia kane ka madna futsal la plie pyrda ha ka 4 tarik mynta u bnai kylla lyngkot 2024 da u bah Brigstarwell Marbaniang uba dei u MLA ka Mawlai constituency.
Ia kane ka madan la ker da ka jar baroh sawdong khnang ba ka bol kan nym lait sharud bad ki samla ki lah ban ialehkai haduh mynmiet namar la buh da ki bording.
Haba ai jingkren kum u kongsan , u MLA ka VPP na Mawlai constituency bah Brighstarwell Marbaniang u la ong ba ka jingngop ki samla ha u drok ha kine ki sngi ba mynta ka lah ban dei namar ka jingduna ki jaka kilanmet ha ki shnong ki thaw namar ka Mawlai ka dei ka shnongkaba heh ia ka sor shillong hynrei ki duna palat ki jaka kilanmet.
Kum ka dak ka jingplie ia kane ka madan futsal u bah Brighstarwell u la kynjat ia ka bol ha ka jingiadonlang ki riew rangbah.