Shillong:
U bah Mukesh Ambani uba dei u briew uba riewspah tam ha India bad uba long number ba 11 ha baroh ka pyrthei uba don pisa haduh 124 billion dollar u la pynlut haduh san hajar klur tyngka ha jingiathoh shongkurim u khun shynrang jong u u Anant Ambani bad ka Radhika Merchant kaba la long mynta u bnai Naitung 2024.
Katkum ka jingpynmih ki katto katne ki khubor, u Mukesh Ambani u la pynlut haduh Rs. 5000 klur ha ka jingkhawai shongkurim jong u Anant, kaba long tang 0.5 percent na ka jingdon jingem jong u.
Ka jingkhawai shongkurim jong u Anant Ambani bad ka Radhika Merchant ka la sdang ha u bnai Lber 2024 da ka jingkhawai shongkurim kaba khraw ha Jamnagar, bud sa ka jingkhawai shongkurim ha Italy. Kiba bun ki nongrwai na India bad ki nongrwai nabar ri ki la rwai ha kane ka soiree baroh kawei bad la siew da ki lak bad ki klur. Ha ka sangeet jong u Anant bad ka Radhika, la siew Rs. 83 klur na ka bynta ka jingkhawai jong u.
Da ka jingbun bah ki jingïalang shwa ka jingkhawai shongkurim kiba la kot haduh shiphew tylli, ryngkat bad ki bai lutksan kiba heh bha ba la siew sha ki khlur jong ka pyrthei, namar ka longïing u Ambani ka la pynlut ïa ka pisa kaba phyla bha ha ri India.
Ki khubor na ka LiveMint, ka The Economic Times, bad ka Outlook Business ki la antad ba kane ka jinglehkmen ka la kot kumba 5000 klur tyngka. Kane ka jinglut ka tam ia ka jinglut jong ki jingkhawai shongkurim kiba heh kum ka Syiem Diana bad u Syiem Charles ha ka dor T.1,361 klur bad ka Sheikha Hind Bint Bin Maktoum bad u Sheikh Mohammed bin Rashid Al Maktoum ha ka T.1,144 klur, kaba pynlong ia ka kum kawei na ki jingkhawai shongkurim kaba rem dor tam ha ka pyrthei baroh kawei.
Ki jingpynlut kiba pawnam ki kynthup ban siew haduh T. 74 klur sha ka Rihanna na ka bynta ka jingrwai jong ka ha ka jinglehkmen shwa ka jingïathoh shongkurim ha Jamnagar bad ka bai rwai kaba heh bha jong u Justin Bieber kaba long T. 83 klur na ka bynta ka jingrwai sangeet jong u.
Ka Daily Mail ka iathuh ruh ba T.2500 klur la mang tang na ka bynta ki jinglehniam shwa ka jingkhawai shongkurim, kaba la mang ia ki jinglut kum ka liengsuin ia ki riew pawnam na india bad nabar india kaba itynnad bha, ki liengsuin shimet, bad ki lad jingiada.
Kane ka jingpynlut ka long ka jingpynshisha ia ka jingaiti jong ka longiing Ambani ban pynlong ia ki jingrakhe kiba khraw tam.