Shillong:
Ka Myntri rangbah ka jylla West Bengal ka Mamata Benarjee kaba dei ruh ka nongialam ka Trinamool Congress la shah sumar ha SSKM Hospital hadien ba ka la shitom jur na shalangmat namar ka jingkyllon ha iingsah lajong ha Kalighat.
Katkum ka jingiathuh ki nongialam ka Trinamool Congress ka Mamata ka la kyllon ha iingsah ha ka por 7:30 janmiet hadien baka la wanphai na jingialang ha South Kolkata.
La iathuh ruh ba ka Mamata ka la shitom jur na shalangmat namar ka jingmih snam hynrei la rah noh mar mar sha jaka sumar.
Halor kane ka jingjia, ki nongialam na kylleng ka ri India ki la phah jingkitbok ia ka mamata ba kan khlain noh naduh u Myntri rangbah ka Tamil Nadu u MK Stalin, u Myntri rangbah ka ri india u Narendra Modi, u Myntri rangbah ka Delhi u Arwin Kejriwal bad u nongialam ka BJP na West Bengal.