Shillong, Naitung 09:
Ki pulit ka jylla ki la pyntip ba ka Poonam Singh ka la ujor da ka jingujor ba ha u bnai Jylliew 2023, u nongtrei jong ka kata, u Sumit Mandal u la pyntip ba ki briew kiba ym lah ban tip ki la tuh ïa ki jingdeng ksiar, ki tiar nar bad ki baje bad kiwei de, na ka ïingsah jong ka ha Pinegrove, Pine Mount Ridge Road , Shillong.
Nangta u Secretary ka shnong Weiloi kaba hap ha East Khasi hills District u la ujor ba ki pipe um, kiba la buh ha Mawkynep da ka tnad PHE ban sam um na ka bynta ka shnong Weiloi la lap ba kim don shuh. Hynrei ha ka jingtalasi ki la lap katto katne ki pipe ha kawei ka dukan die scrap dealer ha katei ka shnong.
Kumjuh ruh Ha ka 6 tarik Naitung ha ka por mynstep ki riew bymman ki bym lah ban ithuh ki la tuh ia kawei ka thuk thuk kaba don ia u number ML-05K-7678 na Laitumkhrah, Nongrimmaw, Shillong.
Shuh shuh ki pulit ki la iathuh ba Ha ka 5 tarik Naitung ha ka por 9.35 baje mynstep, ki riew sniew kiba la shong ha ka scooter ki bym lah ban ithuh ki la lute ïa ka pisa na uwei u Md. Abdul Rahim (56 snem) bad ki la shoh ruh ïa u hajan St. Edmund’s College, Shillong. Ïa une u rangbah la pynkit noh sha Bethany Hospital, Shillong.
Ki pulit ki la ioh jingtip ba ha ka 6 tarik Naitung ha ka por kumba 12.20 baje mynsngi, hynriew ngut ki riew sniew ki bym lah ban ithuh ki la thombor ia arngut ki nongbylla ki bym dei ki riewlum kata, (1) u Giyar Ali (29 snem) bad u Hanif Ali (34 snem) , katba ki dang trei ha Mawiongrim, Ryndangbriew, Shillong.