Shillong, Jymmang 23:
Uwei u briew uba na Shillong uba la buhrieh ia ka kyrteng bad jaka sah u la leit ai da ka ejahar hakhmat ki pulit namar ha ka 29 tarik u bnai Iaiong 2024 uwei u briew uba la pynithuh ialade kum u Jayanta Boro uba trei ha HDFC Khanapara, Guwahati ryngkat ki san ngut ki paralok ki la knieh jubor ia ka kali jong u kaba dei ka Grand i10 kaba don ia u ML-05 S-3862 bad hadien kata kine ki briew ki la dawa ia u 40 hajar tyngka lada u kwah ban ioh biang ia ka kali.
Katkum ka ejahar ba la ujor sha ki pulit, hadien ba une u briew u la leit ban ujor sha ki pulit haba la wad jingtip bniah bha n aka HDFC Bank Rukmini Gaon Branch Guwahati ki la pyntip ba ym don kum kita ki briew kiba trei ha bank jong ki kaba la pynkyndit ia utei u trai kali.
Kane ka jingkam ki briew kum ki nongtrei bank ban thok ia ki briew kan long ruh ka jinghikai ia kiwei pat ki briew ba kim dei ban shaniah than lada don ki briew kiba kam ialade kum kino kino kiba trei khnang ban shngain.
Kan long ruh ka jinghikai ia kiwei ba lada don kiba sngewartatien ia ki briew kim dei ban leit marwei hynrei kim leit kham bun bad dei ban iakynduh ha ki jaka ba shngain.