Shillong, Iaiong 18:
Kawei ka longkmie khasi kaba leit bylla iingbriew ha Nagpur kaba hap ha jylla Maharashtra ka la shah shoh haduh ban da mynsaw ka kti ha ka trai iing kaba ai bylla.
Katkum ki video ba la pynsaphriang la iohi ba kane ka longkmie ka la iam bad ud pang namar ka kti kadiang kaba la at bad mihsnam.
La iathuh ba kane ka longkmie kaba leit bylla ka sahlang bad ka trai iing hynrei ym tip na kaei ka daw ba ka shoh ia kane ka longkmie khasi haduh ba kan da mynsaw.
Ki khubor ki iathuh ba kane ka longkmie khasi ka dei kaba la don lok hynrei ka la leit bylla iingbriew ha Nagpur, katba u lok u don ha Shillong.
La iathuh ba kane ka longkmie ka la don ha kti ki pulit bad la leit ban phah sumar.
Halor kane ka jingjia ia kane ka longkmie, ka Khasi Student Union sengkmie ka la aiti ha ki nongialam ka KSU Delhi unit ba kin buddien.
Haba u nonglum khubor na Shillong u la ioh ban iakren da ka phone ia ka president ka KSU Delhi Unit ka samla Marbiang Khongwir ka la iathuh ba ka la dep iakren bad ki pulit na Delhi hynrei ki pulit ruh ki la ai jubab ka ki shem shitom namar ka Nagpur ka la hap ha ki pulit ka Maharashtra.
Ka la iathuh ba ia kane ka jingshah shoh, kaba biang ka long lada kiba haiing ki ujor ejahar sha Meghalaya ne sha Maharashra hynrei n aka liang ka seng ruh katba lah kin thaw ki lad ki lynti ban ai jingiarap ia katei ka longkmie khasi.