Shillong:
Ki Hindu kiba dei ki rit paid ha Bangladesh ki dang ïai bteng ban mad ïa ka jingeh kaba jur bha, ha kaba ka jingdon jong ki nonghikai ka la nang bun kiba shah pynbor ban iehnoh kam sorkar naduh ba la hap ka sorkar Sheikh Hasina.
Hapdeng ka jingshah thombor ha ki rit paid, ym duna ia ka 50 ngut ki nonghikai Hindu ki la shah pynbor ban iehnoh ia ki kam jong ki. Ka India Today ka la ioh ia ka thup jong ki nonghikai kiba la iehnoh kam hapoh ka jingshah pynbor. Hynrei ka jingdon ba shisha jong ki jingshah pynbor ban risaiñ ka lah ban kham bun bha.
Kawei na ki mukotduma kaba pawnam bha ka dei ka Shukla Rani Halder kaba dei ka principal jong ka Bakerganj Government College kaba don ha Barishal. Katkum ka kotkhubor jong ka Bangladesh, ka Prothom Alo, ka la ong ba ha ka 29 tarik u August, ka kynhun ki samla pule bad ki briew kiba nabar ki la rung sha ka ophis treikam jong ka, da kaba dawa ba kan iehnoh kam.
Hadien ki kynta jong ka jingshah pyntieng, u Halder uba la sngewsih um don lad shuh hynrei ban kohnguh, da kaba thoh “Nga risaiñ” ha ka kot kaba thylli.
Ha ka 18 tarik August, kumba 50 ngut eiei ki samla pule jong ka Azimpur Government Girls’ School and College ki la ker tawiar ia ka principal ka Geetanjali Barua bad ki la pan ia ka jingiehnoh kam jong ka, ha ryngkat bad ki nongiarap jong ka nonghikai skul u Gautam Chandra Paul bad ka nonghikai Education Physical ka Shahnaza Akhter.
“Shwa ka 18tarik August, kim ju pan ia ka jingrisain jong nga. Ha kata ka step, ki la rung tuh ia ka ophis jong nga bad pynjah burom ia nga,” la ong u Barua ha ka Daily Star.
Kum kine ki jingjia ki la jia ha kylleng ka ri. Ki dur kiba saphriang ha ki social media ki pyni ba ki nonghikai bad ki nongpyniaid ia ki jaka pule ki shah pynbor ban soi ia ki shithi iehnoh kam katba ki shah ker sawdong ha ki khynnah skul kiba rkhie bein bad pyrta.
Ha ka jinglong jingman kaba nang kham shyrkhei, ka don ka jingsngew tieng bad jingbymlah ban iarap kaba paw ha ki nonghikai Hindu ha Bangladesh.
U Shanjay Kumar Mukharjee, uba long u Associate Professor ha ka Kabi Nazrul University, u la leit sha ka India Today, da kaba ong, “Nga la shah pynbor ban iehnoh ia ka kam Proctor bad Head jong ka tnad. Ngi long kiba rit paid haduh katta katta.” ha kane ka por.”
Ka Bangladesh Chhatra Oikya Parishad, kaba dei ka kynhun jong ki samla pule jong ka Bangladesh Hindu Buddhist Christian Oikya Parishad, ka la pynrem ia kine ki jingleh ha ka jingialang bad ki nongthoh khubor ha ka sngi Saitjain, bad ka la kren halor ka jingbym iaishah kaba nangroi kaba ki jaidbynriew Hindu ki iakynduh.
Ka nongthoh kot na Bangladesh kaba la shah beh shnong ka Taslima Nasreen ka la shim thong ïa ka sorkar Muhammad Yunus kaba la kyrshan da ki shipai namar ba kam ai jingïada ïa ki rit paid katba ki nongïakhih samla pule ki pynlong ïa ka jingkulmar. “Ha Bangladesh, ki nonghikai ki shah pynbor ban iehnoh kam. Ki nongthoh khubor, ki myntri, ki heh jong ka sorkar barim ki shah pyniap, shah pyndik, shah set phatok. U Gen Z u la thang ia ki karkhana jong ki Muslim Ahmadi. Ki Mazar bad ki dargah jong ki Muslim Sufi ki shah pynpra ha ki lehnoh Islam. U Yunus um ong eiei pyrshah ia kane”,