Pan jingmynjur u bah Prestone Tynsong na u Conrad Sangma ia ki dkhot EC NPP Meghalaya Unit
Shillong, Naiwieng 09:
U MLA barim ka Mawsynram constituency bah HM Shangpliang u la shah jied ban long kum u nongaiktien ka seng National People Party (NPP) ha ka jingpynthymmai ia ki nongkitkam ka NPP Meghalaya Unit hadien ba la shimti u bah Prestone Tynsong kum u President ba thymmai.
U Bah Prestone Tynsong uba dang shah jied kum u President ba thymmai ka National People Party (NPP) Meghalaya State Unit u la phah shithi sha u Conrad K Sangma uba dei u President ka NPP ba un ai ia ka jingmynjur ia ki nongkitkam kiba thymmai jong ka State Executive Committee.
Kat kum thup kyrteng ba la phah sha u Conrad Sangma, ki nongkitkam kiba thymmai jong ka NPP Meghalaya Unit ki long President bah Prestone Tynsong, Working President lain gut kata Marcuise N Marak, Myntri ha ka sorkar jylla, bah Wailadmiki Shylla, MLA, Hamlet Dohling, MLA barim.
Ki Vice-President ki don lai nguta kata ki long TD Shira, Symbud Lamphang ka iingdorbar thaw ain, bah Comingone Ymbon, Myntri ha ka sorkar, bah Sosthenes Sohtun, MLA.
Kine General secretary ki don hynriew ngut ki long Dr. Charles Reuben Lyngdoh, Prof. Donkupar War, Forward L Mawlong, Ian Bothan K Sangma, JD Sangma, Abdus Saleh.
Ki Secretaries ki don haduh 21 ngut bad ia ka kam kynshew pisa la bat u bah Daniel Thangkhiew.
Ki dkhot Executive Member ki long baroh ki MLA, baroh ki Chairman, ki Dy, Chairman, CEM, Dy,CEM, jong ki ADC, Ka President Women wing bad u President Youth Wing.
Ki nongaibuit la thung ia u Babeth K Sangma bad Nihim D Shira katba ia kakam ban long kum u nongaiktien la jied ia u bah HM Shangpliang.
Kumban shu pynkynmaw u Conrad K Sangma uba dei u President ka NPP u la pynkhamti ia u bah President ka NPP Meghalaya Unit hadien kajingiehnohkam u Dr. WR Kharlukhi namar ka jingbunkam haba u bat kum u MP Rajya Sabha.
