Shillong:
U President ka Voice of the people party bah ardent basaiawmoit u la ther tyngeh ia ka seng UDP bad HSPDP kiba kam ba ki dei ki seng riewlum kiba don ha ka kynhun Regional democratic alliance hynrei ka jingiakren iatylli jong ki ka dei tang ka kam thok suda ia ki paidbah namar haduh mynta ki ar ngut ki MLA ka HSPDP u bah Mathodius Dkhar u MLA na Mawshynrut bad u MLA ka Mawthadraishan bah Shakliar Warjri uba dei u myntri ha ka sorkar jylla kim shym la mih wat tang shisien ban ialap ilekshon ia u kyrtong ka RDA bah Robertjune Kharjahrin.
Ia kine ki kyntien u bah arden u la kren biang ha ka jingialang ialap ilekshon ha Sohiong mynta ka sngi ka 5 tarik iaiong 2024 ban pan jingkyrshan na ki paidbah ba kin jied ia u kyrtong ka VPP bah Ricky Syngkon.