Shillong, 7,Naiwieng
Ka jingjur jong ka jingia khaii drok ha kine ki sngi ba mynta ka la nang sherkhei haduh katta katta watla ki pulit ki ju pynlong ka jingtwet ha baroh jong ka nongbah shillong ia ki briew ba dih drok bad ba khaii drok.
Kawei ka video ba la saphriang ha ki rynsan social media hynne ka step jong ka 7 tarik u naiwieng 2023 ha ka ba la iohi ba ki iadie iathied ia u drok ha GS Road hajan ka them iew mawlong.
Kane ka video la saphriang ha ki rynsan social media mynta hi ka sngi ha ka ba la ioh ban ring dur dur da u wei u briew u ba la suba bad peit thuh ba kitei ki briew kidei ki ba iadie ia thied drok.
Ka jingkhaii drok ha nongbah shillong ha kine ki sngi ba mynta ka la ong shisha ka ba la jyllei haduh katta katta namar wat ha mynsngi mynshai ruh ki briew kim tieng shuh ban ia khaii.
Katkum ka video ba la saphriang la iohi shai ba katei ka video ba la ioh ban ring ba ki kynthei Ki dang ai kti ban sam ia ki drok ha ki shynrang ba la pynsuba ba ka dei ka jingiakhaii drok .
Ki pulit jong ka East Khasi Hills District ki la pynpaw ba kin thwet ia kitei ki briew ki ba la paw ha ka video ba la saphriang ha ki social media.