Shillong 02 Jymmang:
Ka Khasi Student Union hapoh ka jingialam u samla Reuben Najiar ki la sahmiet syndon hakhmat ka ophis director ka NEIGRHIMS, hospital, Shillong hadien ba ki la leit tur mynha ka 1 tarik jymmang 2025.
Ka jingleit tur ka Seng KSU sha NEIGRHIMS, Hospital kadei halor kum kadak ban pyrshah jur ia ka jing bymsngap u Director ka NEIGRHIMS, halor kimat ki ba ka seng ka la dawa, ban pynbeit halor ka thungkam thungkam.
Kumta ka seng mar mar ka la leit ban tur sha NEIGRHIMS, ban pynlong da ki jingiakhih bad ruh bad shongkyllaiñ mungor hakhmat ka ophis u Director.Ka la sawa jam ka sur jong ka seng da kaba pyrta “Maitshaphrang Klur ka Ri” bad ruh ban pynrem ia u Director, nangta ha ki plakad ka seng ka la thoh, ba ka NEIGRHIMS kamdei ka Dusbin bad kamdei ka nongkynti jong ki Nurse na Rajasthan, da kaba ong pyrta weng mardor ia ki Nurse na Rajasthan.
la sakhi ruh ba ki bor pulit ki la wan ban syrtap khraiñ ha syndah ka Gate, ka jaka rung sha Ophis u Director, ban nym ailad ia ka seng ban leit rung shapoh.
Haba iakren bad ki bor District Administration habar Gate u samla Reuben Najiar u la ong, ba ka seng myntanka sngi kan nym phet na kane ka jaka bad kan shong iakhih beit tad haduh ban da ioh ia ka jingdawa.
Hadien ba ki bor District Administration ki la ong, ba kin sngewbha ban leit iakren shapoh, hynrei u samla Reuben u la ong, ba khie leit khot ia u Director ban wan iakren shabar ym shapoh, namar kane ka bunsien ka seng ka la dep ban iakren, hynrei um shem la patiaw eiei.
Nalor kata u la ong, ba na ka liang u Director ka NEIGRHIMS, ha kine ki sngi ba ladep u la pynpaw sha kilad pathai khubor ba ka jingthungkam thungjam ha NEIGRHIMS, Hospital kan iaid beit kumba ka ju iaid ymlah ban pynkylla. Kumta ka seng ka la kren da kaba shai, ba lada u Director um pat ai ia ki jingdawa jong ka seng bad ban ai da ki jingthoh ka ba pynhun mynta ka sngi, ka seng kan nym khih na kane ka jaka shong iakhih.
U samla Reuben Najiar u la ong, ba ki Nurse na Rajasthan kim nang wat tang ban thew ka PB ruh, bad kumno ki iohkam ha NEIGRHIMS, katba ki paradoh parasnam jongngi pat kim iohkam. Kane ka jingleh jong u Director ka la pynbitar ia ka seng, u la ong.Ka seng ka la dawa ban pynbeit ia ka jingkynrum kynram ka thungkam thungjam hapoh NEIGRHIMS, Hospital, bad ngi ka ap ka kumba katto kattne bnai ia ka jubab na u Director, hynrei haduh mynta une u Director um shem ai ka jubab ka ba pynhun bad ong pynban ba ka thungkam thungjam hapoh NEIGRHIMS kan long beit kumba ju long, la ong u samla Reuben Najiar.Kumta ka seng ka la rai ban shong iakhih beit hakhmat ka ophis u Director haduh ban da ioh ia ki jingdawa.
