Shillong, Lber 17:
Ki sur jingrwai ki long shisha kiba pynrhem ia ka jingiaseng jong ka balang Presbyterian namar ki riewngeit ki la pynleit jingmut bha haba ki dkhot jong ki choir ki la ieng ha rynsan ban ai ia ka jingrwai saw sur ha ka jingiaseng Khasi Jaintia Presbyterian Synod Mihngi jong ki rangbah kaba 22 ha balang Presbyterian Pomlakrai kaba hap ha Lum Shyllong Presbytery kaba hap ha Nongkrem constituency, East Khasi hills District kaba la sdang naduh ka 14 tarik bad pynkut mynta ka sngi u Blei ka 17 tarik Lber 2024.
Ha ka jingiaseng kaba nyngkong kaba dei ha ka por 10:30 mynstep la rwai da ka jingiaseng khynnah balang pomlakrai, jingiaseng samla balang Mihmyntdu, Sohkha bad Wahiajer-Moodymmai Presbytery Standing Choir bad u nongkren u dei u pastor D Sariang.
Ha ka jingiaseng kaba ar sien kaba dei ha ka por 1:30 nohphai sngi la ioh ia ka jingrwai da ka Balang Pomlakrai, Balang Rymbai, Standing Choir Jowai Presbytery bad Standing Choir KJP Synod Mihngi bad u nongkren u dei u pastor BR Kharnaior.
Ia ka jingiaseng la pyniaid da u moderator ka KJP Synod Mihngi.
