Shillong, jymmang 24:
Hadien shi bnai ba la kut ka jingialap ilekshon MP Lok Sabha, u MLA ka Nongkrem constituency bad uba dei ruh u President ka seng Voice of the People party VPP Bah Ardent Miller Basaiawmoit u la mih pyrthei ryngkat ki sur jingrwai kaba u la rwai ha kawei ka music video kaba la ai kyrteng Ksan Thma kaba la pyllait paidbah ha youtube channel ki sur kynud.
Ia kane ka music video la rwai da u bah ardent basaiawmoit bad u bah Shanskhemlang Rynjah ba la thaw da u bah EW Kharsahnoh.Haba sngap bha ia ka jingrwai la ioh sngew b aka sur kynud u bah ardent ka long shisha kaba sngewtynnad namar ki kyntien ba u rwai ki long kumne, namar la ka ri ba ngin iada, khun samla khasi khun samla khara, ki khla ka wait mynsiem ka shlur, ban ieng ban ialeh shaphrang ki tur, ban wanrah burom ia ka jait ka kur.
Ha kane ka video la iohi ba u bah ardent u rwai ha studio uba la rwai ryngkat ka khih ka met bad kohnguh ka khlieh.
Kumban shu pynkynmaw u bah Ardent Basaiawmoit u dei uwei u nongialam uba ki paidbah ki ieid bad sngewtynnad haba u don ia ka sur kren kaba jam bad kaba pynkhih ia ka mynsiem jong ki briew haba ki sngap haba u ieng ha rynsan ban ialap ia ka ilekshon.