Shillong:
Ka Mohan Bagan SG ka la ioh ban rung sha ka Semi Final ha ka jingialehkai Durand Cup hadien ba ka la pynliem ia ka Punjab FC ha quarter final kaba la long mynta ka sngi 23 tarik Nailar 2024 ha Jamshedpur, jylla Jharkhand.
Ka jingjop ka Mohan Bagan ka dei hadien ba la kynjat penalty ha kaba la ioh rung 6 kol bad ka Pynjab ka la rung tang san kol.
Kane ka jingiakynjat Penalty ka dei hadien ba ka jingialehkai ka la iakhaid mar lai kol.
Lada phai ha ka jingialehkai la iohi ha ki jaka shong jong ki paidbah ki duna bha ki briew ban wan peit ia kane ka jingialehkai namar ki bun ki jaka shong ki thylli, hynrei ban ianujor bad ha Shillong ka stadium ka dam beit smam kata hap iaknieh tiket haba ialehkai ka Shillong Lajong bad ka East Bengal.
Ka Mohan Bagan kan sa iakhun ia ka Semi Final ha ka 27 tarik mynta u bnai ha Kolkata lada ka sorkar West Bengal ka la ai jingbit namar ka dang bteng ia ka jingiakhih. Ka team kaba ap ban iakhun bad ka Mohan Bagan kan long ka Bengaluru ne Kerala Blaster kaba dang iaid mynta ka jingialehkai ha Kolkata.
Katba ka Shillong Lajong bad ka North East United kin sa iakhun ia ka semi final ha 26 tarik mynta u bnai ha madan Polo Shillong.