Pynrem jur ka KSU War Jaintia ba shah shoh u khynnah ha ki BSF ha Muktapur

Ka Khasi Students Union (KSU) War Jaintia circle ka pynrem jur halor ka jingshah shoh dusmon uwei u khynnah ba dang hapoh 14snem ka rta naka shnong muktapur haki shipai BSF.
Ka seng ka dap daka jingsngew bitar iaka jingleh riewkhlaw jong kine ki shipai BSF namar ka seng ka dang khein ba kidei ki nongiada iaki paidbah ba shong basah sha khappud pynban kidei ki nong pyntieng pynsmiej bad nongleh donbor iaki paidbah bashong haki jaka khappud kane kamdei shuh ka sien kaba nyngkong lah bun bunsien ki shait leh kumne ban bom ban shoh iaki paidbah da kaba kynnoh laiphew jait.
“Ha kine ki bnai balah dep ruh ngi lah ujor sha u DC jongka west Jaintia Hills District ia kane kajuh ka jingleh jong ki shaki thain khappud bad u DC u lah khot iaki ban iakren ha ryngkat ka jingiadon lang jong ngi” ong ka kyrwoh.
Ha kane ka jingiakren kila kular ba kin ym pyndik shuh ia u paidbah nangne shakhmat bad kila panmap ruh hynrei da khongpong tang hadien katto katne kila sdang biang kane ka jingleh jongki ka pynbitar iaka seng.
Ka kyrwoh ka bashai ka kyntu iaka sorkar kadei ban shimkhia ban pynbeit noh wut wut ban kren iaki ba kimdei shuh ban leh riewkhlaw kumne namar lada ki iaibteng kumne naka liang ka seng kam salia ban iatyngkhuh wat daka bormet lane da kino kino ki lad ki lynti ban iakhun naka bynta ka jingshongsuk u piadbah.
Kyntang iawai ka seng ka kyntu iaki paidbah kimdei ban tieng kin don ryngkat bad phi lada jia biang kum kine ki jingjia sa pyntip shaka seng ban kloi ban wan iarap.