Shillong 08 Naiwieng: Ka seng samla Wahingdoh mynta ka sngi thohdieng ka 08 tarik Naiwieng 2024, ka la pynlong ia ka jingpynkup burom ia ki samla bad sam Educational award 2024 kaba 30 sha ki khun samla jong ka shnong wahingdoh ki ba la pass bha ka ba la pynlong ha Community Hall.
Ka jingpynlong ban sam ia ki award sha ki samla ba la lehbha ha ki exam, kalong ban nang pynshlur bad ai mynsiem shuh shuh ia ki samla, ba kin nang lah ban trei shitom shuh shuh ha ka jing pule bad ba kin nang lah ban minot bad wan kham sha khmat ha ki jing pule jong ki.
Ha kane ka sngi u MP jong ka shillong seat u Dr Ricky A.J Syngkon, u la wan ban long u kongsan ha rynkat ka jing donlang u MLA jong ka North shillong constituency u bah Aldelbert Nongrum bad u rangbah shnong ka wahingdoh babu Ron Marbañiang bad i MDC jong ka thaiñ u Bah PN syiem kiba la long kum u symbud kongsan, ha rynkat kiwei kiwei ki nongshah khot sngewbha, rynkat ki samla kiba la ioh ia ka award kiba la kot sha ka 30 ngut naduh ka exam SSLC, HSSLC bad Degree level ha ki stream bapher bapher, Ia pynphuh pynphiang ia kane ka sngi ha ka jing synranlang ki kmie ki kpa jong khynnah ryngkat kiwei kiwei ki nongshah khot sngewbha.
U Babu marbañiang, rangbah shnong uba dei u symbud kongsan ha kane ka sngi u la ong, ba ka long kaba sngewtynnad namar ba man ka snem ki khynnah pule jong ka shnong ki la nangkiew, bad ym tang ba ki kiew hynrei ngi ïohi ruh ia ka jinglah jong ki khynnah ban nangleh bha na kawei ka snem sha kawei pat.Ula ong ruh, ba ngim lah ban len, ba ki don ki khynnah kiba lah pass bha, hynrei ki hiar noh namar ka don ka jing sarong, ki don pat ki khynnah kiba pass ha ki kyrdan kiba kham hapoh, hynrei ki kiew shajrong namar ki nangtreishitom, nalor kata ula kyntu ruh ia ki samla kiba ioh ka Awards, ba kin nang trei shitom khnang ban lah ban leh eiei na ka bynta ka jylla.
Na ka liang u MP pat uba dei ruh u kongsan, u la ong ba ka jingïaid lynti ban sam ia ki khusnam lai phew snem ka dei kaba don jing kyrmen bad ka ban pynthymmai.
Kum ki khynnah ngi dei ban sngewsarong ia ki nonghikai kiba nyngkong kiba long ki kmie ki kpa, namar khlem maki ngim lah ban poi sha ka thong, bad ruh ia ki nonghikai kiba hikai ha ki jaka pule.
U la pynkynmaw ruh, ba ki samla pule ki dei ban don ka nongrim kaba skhem, namar ka Nongrim kaba skhem ka dei ka jing sheptieng ia u Blei ban duwai nyngkong namar dei tang u ba najrong uba lah ban leh eiei nakabynta jong ngi.
U Ricky Syngkon ula iai ban da kaba ula kyntu ia ki samla pule, ban kin thrang ia ki jingpule shaduh sha ki kyrdan ki ba kham shajrong, bad ymdei ban kut ha ki kyrdan PHD ne kiwei kiwei, hynrei dei ban thrang shuh shuh ia kiba kham shajrong ban smat ban pule Ia ki kot.