Shillong, Jymmang 16: Ka Umlyngka Presbyterian LLP.SCHOOL. ha ka 16 tarik Jymmang, 2025 (Sngi Thohdieng) ka la pynhap pyrda noh ïa ka jingrakhe dap 150 snem lane ka sesquicentenial Jubilee jong ka skul naduh ba la seng ïa ka ha u bnai Jymmang jong u snem 1875.
Ha kane ka sngi u Dr W.R. Kharlukhi-MP ka Rajya Sabha u la long kum u kongsan ha ryngkat ka jingsynran lang u Bah Hamletson Dohling kum u symbud kongsan u ba dei u ruh u MLA barim ka Mylliem Constittuency bad ruh u Adviser jong u Myntri Rangbah ka Jylla ba mynta.
Ha kane ka sngi pynhap pyrda la ioh ia ka jingshad jingrwai na ki khynnah skul la ioh ruh ban sam khusnam da u kongsan bad u symbud kongsan sha ki khynnah skul ha ki jingialehkai bapher bapher .
La ioh ia ka jingkren na ka Headmistress kane ka skul bad la pynsngew ruh ia ka report treikam kane ka skul naduh ba la seng haduh une u snem ba mynta .
Haba ai jingkren ha kane ka sngi na ka liang u bah Hamletson Dohling u la pynpaw ka jingkmen bad sngewburom ia ki nonghikai kane ka skul kiba la trei shitom ban hikai ia ki hep barit shwa ba kin kiew sha ki kyrdan ba ha jrong u la ong ruh ba un iarap katba lah i bor na ka bynta kane ka skul .
Haba ai jingkren na ka liang u Kongsan u la ong katno u dap da ka jingkmen ban wan ha kane ka skul namar ki don na ki nongpyniaid kane ka skul bad ki nonghikai ki dei kiba la shah hikai ha u mynshwa
Shuh shuh u la ong ruh ba u sngewtynnad ialade ban long kum u nonghikai ban ia kaban long politician namar ka kyrdan nonghikai ka long kaba don burom u la ong ruh ba na ka liang ka skhim mp jong u ka la kut hynrei watla kaatta un shong ryngkat bad u bah Hamlet ban pyrkhat na ka bynta kane ka skul katba lah ibor
Ha ka juh ka sngi u kongsan u la plie pyrda ia u mawnongrim jong ka jingdap 150 snem bad ruh pyllait ia ka sohmanir kane la skul.