Shillong 07 Jymmang:
U MLA ka South Shillong konstitwensi u bah Sanbor Shullai ha ka sngi balang ka 07 Tarik u Jymmang 2025, u la pyllait paidbah ia ka skhim sam um ba la pynthymmai kaba la thmu na ka bynta ki paidbah ka thain Laban.Ia kane ka Additional Water Supply skhim la bei tyngka na ka AMRUT Atal Mission for Rejuvenation and Urban Transformation Central Scheme 2021-2022-2023-2024 ha madan Laban.
Ia kane ka skhim la pyntrei lang da ka tnad PHE ka sorkar Meghalaya bad ka Shillong Municipal Board ha ka jingmang pisa kaba T.7,74,15,000.Ia kane ka top um la shna ha ka por jong ki phareng ha u snem 1936, la pyndonkam na ka bynta ban buh um kaba 2.25 lak litar ban pynbiang um sha ki nongshong shnong ka Laban bad Madan Laban nalor kiwei pat ki jaka ba marjan.
Ha kane ka jingpyllait paidbah, u MLA ka thaiñ u bah Sanbor Shullai u la pyllait ïa ka um lyngba ki pipe thymmai ha ka jingiadonlang ki rangbah shnong, ki seng longkmie, ki longkpa bad ki paidbah nongshong shnong jong ka Laban.
Haba kren ha kane ka jingpyllait paidbah ia katei ka um, u bah Sanbor Shullai u la ong ba ka jingpynthymmai ia ka jingpynbiang, kynthup ia ka jingbujli ia ki pipe ba thymmai na ka bynta ban sam sha ki tank bapher bapher ha Laban bad Madan Laban.
U Shullai u la ong ba ka jingpynthymmai ia ka tank um bad ka laiñ sam um jong ka kan pynthikna ba kan ym don kano kano ka jingthut ha ka jingpynpoi um sha ki nongshong shnong.Haba bynrap pat na ka liang u wei na ki rangbah shnong u la iathuh, ba ia kane ka water tank la shna ha kipor jong ki British kapor ka bym pat kha wat ia ki ruh bad ka la slem bha, ki ba da ki spah snem mynshwa.Kumta u la ong ba lyngba kane ka um ka ban supply ia ki paidbah nongshong shnong kan iarap shibun eh ba kin ioh ban pyndonkam namar ngi sha Laban ngi ia bam shibun ka um.
Cupid in Flight
48” x 48” Giclee print on archival paper.