Shillong,30,Risaw-
Ki Nongkitkam jong ka seng ka Hynniewtrep Integrated Territorial Organization (HITO) Ribhoi District hapoh ka jingialam U Bah Keny Nongrum secretary bah Elvis Kyrsian vice-president bad baroh ki nongkitkam ka Ribhoi District kila pynbna ba ki la mih noh naka seng mynta ka sngi.
Ka jingmih noh kitei ki nongkitkam ka seng HITO na ri bhoi kadei halor ka jingpynbna haki group u president u bah Donbok Dkhar bala weng noh ia u president bad working president jong ka Ribhoi.
Haba kren ha kane ka sngi u bah Keny u la ong ba ngim lah ban pdiang ia ki rai shimet jong u president central khlem da tip lang baroh ki dkhot ka Ribhoi.
Kumta kum ka jingiatylli bad shaniah hala ki nongialam ka District ngi la shim lang ka rai ban mih noh baroh ki nongkitkam ka District bad ki area kum ki dkhot ka ba pura ka HITO bad ban bteng iaki kam paidbah lyngba ka Ribhoi Youth Welfare Organization kaba la seng naduh u snem 2017.
Ngin shakri paidbah noh hala ka jong ka dong ka thaiñ Ribhoi ban lait ka khim jong ka jingshakri ong u bah Keny Nongrum.