Shillong, Risaw 26
Ki briew kiba sah ha ki mala jong ka Payal Cinema barim haduh mynta kim pat nud ban wan sah namar ka jingpluh kawei ka iing kaba don mar syndah ha khyndailad kaba la jia ha ka 14 tarik mynta u bnai 2023.
Haba ioh ban leit peit biang ia kane ka ka iing mala kaba la pluh la lap ba kane ka iing ka la sah khongreng namar ka jingbam ka ding ha ka nohphai sngi jong ka 14 tarik Risaw kaba la buh jingma ia ki briew kiba peit na jngai namar ka jingtieng ioh kan pur sha kiwei pat ki iing paki dulan.
La iohi ba ki kamra jong ka Payal cinema barim la sah khongreng namar bymdon ba wan sah shuh naduh ba la ki la phet lamwir ha kato ka sngi hynrei shakhrum jong ka Payal Cinema la iohi ba ki dang don kiba dang sah.
Katkum ka jingiathuh kiba sah marjan ki la pynpaw ba don bok ba kane ka ding ka shu klang tang ha ki mala jong katei ka iing paki dulan hynrei lada jia ba ki thylliej ding ki her ne saphriang kaba buh jingma ka dei ia ki iing tin kiba don sharum.
Ki la iathuh ba mar shu pluh katei ka iing ha khyndailad kiba sah marjan ki la phet klumar na ki iing ba ki sah bad rynsien klumar na ki kynroh ban lait im.
Shuh shuh ki la iathuh ban nym pur sha kiwei ki iing ki la pynshitom ban synreit da ka um baroh shi sngi kat haduh ba katei ka ding kaba klang ka la shu poi tang ha jrong slep ka Payal Cinema barim.
Kumban shu pynkynmaw ka jingpluh ka iing ha khyndailad ka la shim ia uwei u briew uba trei ha katei ka dukan bad la lah ban pynlip haduh ka janmiet jong ka sngi u Blei.