Shillong, Jylliew 14:
U MDC ka UDP na Sohra Constituency bad President ka UDP East Khasi Hills District bah Titos Chyne u la pynpaw b aka seng ka pdiang ia kaei kaba ki paidbah ki rai haba ki la kyntait ia u kyrtong ka UDP ba la kyrshan da ka HSPDP bad jied ia u kyrtong ka VPP bah Ricky Syngkon.
Haba iakren bad u bah Titos u la ong, watla ka UDP ka la shah rem ha kane ka ilekshon MP Lok Sabha hynrei kan dang trei ia la ka jong ka bynta namar haduh mynta ka seng ka don ia ki MLA bad MDC namar ha man ka ilekshon ka don beit ka jingiapher.
“Ngi kitbok ia u bah Ricky Syngkon, u MP ba dang shah jied thymmai na ka seng VPP ba un pyndep hok ia ka kamram kumba u la kular ha ki paidbah” u la ong.