Shillong, Nailar 14:
U Assistant Coach ka Shillong Lajong Football Club bah Janbor Marbaniang u don jingshaniah kaba skhem ha ki rangialehkai ba kin ialehkai bha ha Durand Cup ban ioh jingjop haba kin iakynduh ia ka FC Goa ha ka 17 tarik mynta u bnai Nailar 2024 ha ka por 7:00 baje janmiet ha JN Stadium, Polo, Shillong khnang ban ioh rung sha ka final round ha .
Na bynta ban ai jingtip sha ki paidbah ia ka jingpynkhreh ka Shillong Lajong haba kan iakhun khatduh bad ka FC Goa ha ka goup-f ha ka jingailehkai durand cup, u nongthoh khubor u la leit iakynduh kyrpang ia u bah Janbor Marbaniang hadien ba la dep kilan met ha madan ialehkai jong ka Sport Authority of India kaba don ha NEHU Shillong.
U bah Janbor u la iathuh ba ka Shillong Lajong ka la shah rem teng ha ka FC Goa haba ka leit ialehkai shabar ka jylla bad mynta u don jingkyrmen ba ka Shillong Lajong kan ioh ia ka jingjop haba ka wan ialehkai ha Shillong.
Shuh shuh u la iathuh ba ka jingbun ki nongkyrshan ka Shillong Lajong FC ka dei namar ka ju ialehkai ha ka phutbol I-League.
Kumban shu pynkynmaw ka Shillong lajong ka la jop da shi kol lanod ia ki shipai na Nepal ka Tribhuvan Army bad ia ka Rangdajied United FC da ar kol lanod bad ka donkam ban jop sa ia ka FC Goa ha ka 17 tarik mynta u bnai ka ban sdang ialehkai ha ka por 7 baje janmiet ha JN Stadium Polo khnang ba kan ioh ban rung sha final round.