Shillong, Kyllalyngkot 05:
U MLA ka VPP na Mawlai constituency bah Brighstarwell Marbaniang u la pynthikna ba un nym ïakhun shuh ia ka ilekshon MDC namar u la shah jied kum u MLA hynrei un ailad ia kiwei pat ban ïakhun.
U bah Brighstarwell u la iathuh ba ki la don 7 ngut kiba la pan tiket ia ka ilekshon MDC na ka seng VPP na Mawlai constituency hynrei ban rai ia u kyrtong yn sa shim ka Election Committee jong ka VPP.
Haba iakren kyrpang bad u bah Brighstarwell hadien ba la kut ka jingkhap ribbon ia ka madan futsal ha Mawlai Lumpyngrope u la iathuh ba nalor ki hynniew ngut ki nongkitkam ka VPP kiba pan tiket ia ka ilekshon MDC, ki don ruh ki riew rangbah kiba nabar ka seng VPP ki la pan tiket bad n aka liang ka Circle ka la phah lang ia ka shithi jong ki sha ka Election Committee bad ka Election Committee kan sap hah sha ka State Executive Committee.
Haba kylli balei phim treh shuh ban iakhun ia ka ilekshon MDC, u la pynpaw b aka seng kam kwah shuh ia ki MLA ba kin iakhun ia ka ilekshon MDC namar ka seng ka kwah ba uwei u briew kawei ka shuki.
U don jingkyrmen ba ki paidbah kin ai jingkyrshan ia u kyrtong ka VPP ha Mawlai constituency ha ka ilekshon MDC kumba ki la ai jingkyrshan ia ka ilekshon mla.
Haba kylli halor ka ilekshon MP Lok Sabha, u bah Bright u la ong b aka rai baroh ka shong beit ha ki paidbah hadien b aka UDP bad ka NPP ki la dep ban pynbna ia u kyrtong jong ki.
U la iathuh namar ha kine ki bnai haba u leit jingialang sha kiwei ki constituency u don jingkyrmen ba ki paidbah ki jied ia u kyrtong ka VPP namar ka dei ka seng kaba don ia ka nongrim.