Shillong, Naitung
U Marangbah bad u madiang kiba la pawnam mynta ha ki kam ak phlim, ki la pynbna ba kin bteng biang ban pyni ia ka phlim Ka juk ha Bijou Cinema Shillong haduh ka 28 tarik Naitung 2022.
Kane ka jingbteng biang ia kane ka phlim ka dei hadien ka jingiaknieh tiket ki paidbah ha ka 17 tarik mynta u bnai haduh ba ki pulit ka nongbah Shillong ki hap ban leit pyniaid lain khnang ban nym mih kano kano ka jingmynsaw haba la wan ieng lain da ki kynthei bad khynnah.
Haduh mynta ka sngi ba ar ka 19 tarik naitung 2022 la iohi ba ki paidbah ki dang ieng lain ha bijou cinema ban peit ia ka phlim ka juk namar ka jingnang ban ak u marangbah bad madiang ban pynrkhie ia ki paidbah.
U Marangbah u la pynpaw ba u sngewthuh ïalade ba um da bhabriew hynrei u sngewtynnad pat ba ki paidbah ki itynnad ia u, katba u Madiang u la ong ba um da bhabriew hynrei ka dei kajingkyrshan jong ki paidbah kaba ki la ju pynmih ki short film ha youtube.