Shillong, Nohprah 22:
U MDC shimet na nongthymmai constituency Bah Latiplang Kharkongor u la ong ba ka jingleit kyrshan ia ka executive committee ba la ialam da u Bah pyniaid Syiem ha KHADC ka dei namar u la wanrah ia ka resolution ban dawa na ka sorkar ban ithuh schedule tribe tang ia ki jaidbynriew ba dei trai shnong ha meghalaya ym shuh ia ki riewlum ia kiba wan na kiwei ki jylla.
U bah Latiplang u la ong kane ka jingiakren shaphang ki schedule tribe kiwei pat ki riewlum kiba sah ha jylla ka dei kaba la slem bad dei halor kane ka Nongrim u ai jingkyrshan ia u Bah Pyniaid Syiem.
U la iathuh ba ha ka EC barim u la kyrshan haba u wanrah ia ka phang kaba uada ia ka jaidbynriew.
“Nga khlem rung ha por ba u bah Pyniaid u thaw ia ka EC ba thymmai bad ka Congress namar nga peit shwa ia ka jingtreikam” u la ong.
U bah Latiplang u la ong wat ka iingbishar bahakhliehduh ka supreme court ka la dep ai ia ka hukum, kumta ka sorkar jylla ka la lah ban pyntreikam ban ithuh schedule tribe tang ia ki trai jylla.
U la iathuh ba ki riewlum kiba sah ha kiwei ki jylla lada ki wan sah ha meghalaya ki i0h schedule tribe ha meghalaya bad ki ioh ruh ban thied jaka bad khaii laitluid.
U la iathuh haba u leit kyrshan ia u Bah Pyniaid kum u cem ka KHADC um donkam ban pyntip ia u bah Titos chyne uba dei nongialam liang pyrshah namar u dei u MDC shimet.