Shillong;
Ka nongialehkai badminton na China ka Huang Ya Qiong ka la mad ia ka por ksiar ha ka Paris Olympics 2024 ha ka sngi Thohdieng namar ma ka bad ka paralok jong ka u Zheng Siwei ki la pynliem ïa ka Kim Won-ho bad ka Jeong Na-eun ka South Korea ban khur ïa ka takma ksiar ha ka jingïalehkai badminton ba mar ar ngut.
Hadien ba ka la ïoh ïa ka takma ksiar da kaba kamai da 21-8, 21-11 ha ka mixed doubles final, ka Huang ka la ïoh pdiang ïa ka jingtyrwa shongkurim na u Li Yuchen, uwei pat u dkhot jong ka kynhun ïalehkai badminton jong ka China.
“Na ka bynta jong nga, ka jingtyrwa ka long kaba phylla bha namar nga la pynkhreh ia ka jingialehkai”, la ong u Huang lyngba u nongpynkylla ktien. “Mynta ka sngi nga dei u nongjop ha ka Olympic bad nga la ioh jingtyrwa (ban), kumta kata ka dei kaei kaei kaba ngam shym la khmih lynti.”
Ka China ka la paw bha ha ka jingïalehkai badminton ba la khleh lang ha ki jingïalehkai Olympic. Mynta ki la khur ia ka takma ksiar ha ki jingialehkai Olympic ba iabud bad san sien na ki 8 sien naduh ba ka la kylla long ka jingiakop khur takma ha Atlanta ha u snem 1996. U Wang Yilyu u la shongthait noh hadien ba u la ioh khur ia ka takma ha Tokyo bad u Huang Dong Ping, uba la iatreilang bad u Feng Yan Zhe ha Paris hynrei u la shah rem ha ka 1996.
U Huang bad u Zheng kiba la long ki nongjop takma rupa ha ka Olympics jong ka Tokyo ha u snem 2021, ki la ïaid khlem shah rem ha baroh kawei ka jingïalehkai. Ki la ïakhun da 3-0 ha ka jingïalehkai kynhun ban pynïoh ïa ka kyrdan ba hakhmat eh sha ka quarterfinal bad ki la pyndep da ka rekod kaba paka kaba 6-0 khlem da pynhap ïa ka jingïalehkai.
Ka kynhun jong ka China ka la thmu ruh ban jop ïa ka badminton jong ki kynthei. ka Chen Qing Chen bad ka Jia Yi Fan kin ïakhun pyrshah ïa ka Liu Shengshu bad ka Tan Ning ha ka phainal jong ka China baroh kawei ha ka sngi Saitjaiñ, kaba pynthikna ïa baroh ar tylli ki takma ksiar bad rupa ïa ka China.
