Shillong
U MDC ka Mawhati constituency u bah Charles Marngar u la leit ban iuhkjat ha bijou cinema, shillong ban leit peit ia ka phlim ka juk kaba la sdang pyni mynta ka sngi ka 15 tarik naitung 2022 kum shi bynta ban ai jingkyrshan ia ka Lam jingshai channel kaba dei na ka shnong Laiphewdiengngan kaba hap ha Mawhati.
U Bah Charles u la ai khublei kyrpang ia u marangbah bad ia u madiang namar kajingtbit ban ak ha kane ka phlim bad kyrpang eh ia u bah Kit rina Nongrum uba dei u director kane ka phlim kaba la pynshongshit ia ki paidbah hapoh hall.
U bah Charles u la phla haba u peit ia kane ka phlim u la kum rkhie eh namar ka jingtbit palat u marangbah bad madiang ban ak bad ha ka bynta kaba khatduh ka la ai jingsneng ba ki para kynthei kim dei ban ibein ia u hynmen shynrang haba u wanphai sha iing kur.