Shillong, Naitung 30:
Hadien phra bnai ba la khang ban iaid kali ha jingkieng umiam namar ka jingmaramot, mynta ka sngi ka 30 tarik Naitung 2024 ka sorkar ka la shah ia ki kali kiba wan na shillong sha ribhoi district ki la iaid suk mynsiem khlem donkam shuh ban ienglain namar la shah ban iaid lang ha ka juh ka por ia kiba kiew bad ba hiar sha Shillong.
Kane ka jingshah ban iaid laitluid ha jingkieng umiam ka la sdang mynta ka sngi ha ka por 6 baje mynstep.
Ha ka jingjurip u nongsain hima na shillong la lap ba ki nongtrei ka jingkieng ki la leit ban pynkhuid ia ki plastic bad ki jaboh jabain ba la bret harud surok shilynter naduh jingkieng shaduh jan ryndang briew.
Kane ka jingbret plastic harud surok ka dei ha ka por ba ki kali ki dang sahkut ha jingieng lain ban iaid na jingkieng namar ki riew paidbah kiba bam jingbam ki la bret harud surok.
Kumta ban wanrah ia ka jingkieng umiam kaba itynnad hadien ba la dep ai rong, ki nongtrei kane ka jingkieng ki la leit ban pynkhuid ia ki pastic khnang ba shilynter ka surok kan itynnad.
Kumban shu pynkynmaw ka jingsdang ban maramot ia ka jingkieng umiam kaba pyniasoh ia ka shillong bad ribhoi district ka la sdang naduh u bnai nohprah 2023 ha kaba ka jingdheng kali ka ju poi haduh view point mawlai mawiong lada hiar na shillong namar ki pulit ki hap ban phah iaid tang shiliang bad khang shiliang khnang ban ailad ia ki nongtrei ban shna ia ka jingkieng.
Kumjuh ruh ka ienglain ki kali na ki thain ribhoi ka la poi shaduh lad umroi teng teng shaduh lad umsaw lada dei ha ka por janmiet haba ki kali na ribhoi ki la kiew sha shillong.