Shillong, Jymmang 26:
Kawei ka kynthei kaba la buhrieh ia ka kyrteng kaba shong bas ah ha East Khasi Hills District ka la leit ban ujor sha ki pulit namar ha ka 23 tarik mynta u bnai Jymmang 2024 ha ka por 10:00 baje mynstep ka la iakyndu ia kawei ka briew kaba ai jait lyngdoh ha kawei ka jaka dihsha ne ka canteen ha Civil hospital shillong ban thied ia ka scooter jong ka ha ka dor kaba 62 hajar tyngka hynrei hadien pat mar shu ioh pdiang ia ka pisa kane ka briew ka la leit noh na canteen ban rah syndon ia ka scooter.
Haduh mynta ki pulit ki dang wad ia kane ka briew kaba la leh thok.
Kumjuh ruh ha kane ka juh ka sngi kata ka 23 tarik jymmang ki pulit ki la ioh ban kem ia uwei u nongbangladesh uba kyrteng u Md. Mahmud Sakib uba 22 snem ka rta uba la rung lyngba ka madan Lytad East Khasi hills District ban kiew sha India khlem ki kot ki sla kiba biang.
Ha kawei ka khubor, kawei ka longkmie kaba la buhrieh kyrteng ka la leit ujor sha ki pulit namar ha ka 21 tarik mynta hi u bnai u briew u bym shym la ithuh durkhmat u la pynpait ia ka iingsah jong ka ha Laitkor, Shillong ban tuh ia ka pisa haduh 20 hajar tyngka bad ka ksiar kaba shongdor haduh 60 hajar tyngka.