Mumbai:
U khun jong u Mukesh Ambani u Anant Ambani bad ka Radhika Merchant, kin sa pynlong ia ka jingleit khawai kaba heh duh ha pyrthei sa ha United Kingdom.
Ki tyllong khubor ki pynpaw ba u Duke u kwah eh ban ïakynduh bad kine ki arngut bad ki nongwan jngohkai ba pawnam jong ki, da kaba kyrmen ba un lah ban kyntiew ïa ka kyrdan bad ka jinglong pisa jong u ha ka kynhun jong ka Hollywood.
La iathuh ba u Syiem Harry, u la pynpaw ia ka jingkwah jong u, ban leit sha ka jingrakhe ia ka jingkhawai shongkurim ba iphuh iphieng jong u billioner ka ri India,
U Harry bad ka Meghan kim shym la don lang ha ka jingkhawai shongkurim jong ka Ananat-Radhika ha Mumbai, India ha kine ki sngi ha kaba ki khlur ba pawnam kum ka Rihanna, Justin Bieber, Kim Kardashian, bad kiwei kiwei ki la wan ban ïashimbynta, bad mynta la ong ba kine ki don biang ha ka thup nongwan na ka bynta ban pynshngain ia ka jingrakhe ban sa wan.
Ka jingïathoh shongkurim kaba riewspah tam ha ka pyrthei, ka jingïathoh jong ka Radhika Merchant bad u Anant Ambani, kaba la kut ha ka 12 tarik Jylliew ha ka jinglut kaba 5 hajar klur tyngka .
Ka iing jong u Ambani ki la wai ïa ka Stoke Park kaba pawnam ha Berkshire haduh u bnai September na ka bynta ka bynta kaba bud jong ka jingrakhe hadien ka jingïathoh shongkurim. La iathuh ba katei ka jingshimwai ia ka sevent star hotel kan shongdor haduh 562 million pound kaba kot palat 6 hajar klur tyngka ha pisa india Ban pynlong ia katei ka jinglehkmen kaba itynnad.
Nangta ki la khot ïa ki 800 ngut ki riewpaw khmat ban wan ha kane ka jingkahwai kaba saw sngi sha Europe ryngkat ki jingrwai na ki The Backstreet Boys, ka Katy Perry, bad ka tenor na Italy ka Andrea Bocelli.
Ki nongwan jngohkai kiba pawnam kum u Mark Zuckerberg, u Bill Gates, ka Priyanka Chopra, u Nick Jonas bad Kim Kardashian ki long napdeng ki nongshah khot sngewbha.