Hapdeng ka ding kaba klang kaba la jan mih ka jingiashoh shisha namar ka jingiabyrngem mar kylliang ha social media kata hapdeng u bahdeng dohtdong bad u bah jay synrem hynrei kaba sngewtynnad ba kine ar ngut mynta ki la poi sha ka jingiasuk khlem don shuh ka jingiabun nud ne buh daw.Kane ka jingiasuk ka dei hadien ba ka channel youtube chwa syiemlieh production ka la pynshitom ban leit ïakynduh nyngkong ia u bahdeng dohtdong ha jaka ba u suhjain ha iewduh uba la pynpaw ia ka jingdom ia ka jingkren u bah Jay Synrem namar ka jingdawa panmap haba u kynthoh ia ki nongialam niam.Khnang ban nym noh shiliang la leit wad shitom ia u bah Jay Synrem ha iingsah jong u, uba la pynpaw ba ka jingdom ka jong u ia u bahdeng ka dei namar u kynthoh ia ki nongialam niam.Haba twad jingmut biang ia u bahdeng dohtdong u la pynpaw ba hadien ka jingiabyrngem kaba la neh da ki taïew hynrei kum u briew uba ieid ia ka jaidbynriew um kwah ban ia poi shakata ka jingiashoh shisha ha ka pyrthei hynrei ynda u la ioh ban iakren markhmat bad u bah Jay Synrem u tip ba ka dei tang ka jingleh tang ban kyntiew ïalade ha rynsan social media.Haba twad jingmut biang sa u bah Jay Synrem u la pynpaw ba hadien ba la khluit ha social media kiba haiing jong u ki la dom pynban ia u ba u leit kren kynthoh ia u bahdeng hynrei u la ai khublei ia u bahdeng ba watla u la kynthoh u khlem buh daw u la ai mynsiem pynban ia u ban dang leh ia kino kino ki kam kat kaba u don ka sap ha social media.