Delhi,04 Naiwieng:
Ka nongbah Delhi mynta ka sngi ka la dap bad sma tang da ka lyer jaboh bad la khleh lang bad ki pum pum ha kaba kiba bun ki paidbah jong ka jylla meghalaya ki ba sah ha nongbah Delhi ki la kynmaw ia la ki jong ki jaka ba ki sah, ia ki lum ki wah ki madan ba itynnad ka suinbneng ka ba khuid bad kiwei kiwei . Kane ka jinglong jong ka suiñbneng ka ba sma bad jaboh ha nongbah Delhi ka la neh mynta ha ki taiew ha kaba la sakhi ruh ba ki ba bun ki nong meghalaya ki ba sah ha nongbah Delhi ki ba wan pyni ia ki marbam mardih ki mar rep jong ka jylla ki la ong ba kalong shisha ka lyer ka ba sniew bad tang ban ring mynsiem ruh ka eh bha.
Katkum ki tyllong khubor ba la ioh lum mynta ka sngi ka jinglong jong ka suiñbneng ka la kham kiew shuh shuh ka jingsma bad dum bad lada jia ba Kane ka jinglong ka suiñbneng kan kiew kynsan ka lah ruh ban ktah ia ka koit ka khiah jong ki khasi bad Garo ki ba sah ha nongbah Delhi.
Haba iakren bad ki lad pathai khubor na ka liang ki paidbah nong meghalaya ki la ong ba kane kadei ka sien ka ba nyngkong ban iohi ba ka lyer ka ba sniew haduh kattne kattne bad ngim ju lap ruh namar ha meghalaya kalong ka lyer bad ka suiñbneng ruh ka ba khuid bad lada ia nujor shane bad ka jylla lajong ka dang khuid shibun ka meghalaya namar ban ring mynsiem ruh ka dang khuid.
Ki don ki khasi ki ba iathuh ba kane ka dei ka sien ka ba nyngkong ba kin poi ha Delhi ha kaba ki ong ba tang ban ring mynsiem ruh kim lah ka shem jynjar bha namar ka lyer ka sniew palat.
“Ngim lah ban bein ia kano kano ka jylla hynrei nhi shu pynpaw ba ka lyer ha nongbah Delhi ka long shisha ka ba sniew ban ring mynsiem” ki la ong.
Shuh shuh ki la ong ruh ba ki kwah ban leit phai noh sha jylla lajong kim juh shuh ban sah ha nongbah Delhi hynrei ia ba mynta ki hap sah shwa kat haduh ban da dep kne ka program World Food India haduh ka 5 tarik u naiwieng 2023.
