Shillong, Kyllalyngkot 26:
Ka long shisha kaba pynkyndit ia ki paidbah namar uwei u samla u la leit shondur selfie ialade bad u bah ardent basaiawmoit, uba dei u president ka Voice of the people party (VPP) katba u dang ai jingkren ha ka jingialang ban pynshai halor ka jingweng noh ka sorkar ia ki ophisar ha ka lokayukta kaba la long hakhmat ka petrol pump mawlai kaba la long myn ha ka janmiet jong ka 24 tarik mynta u bnai.
Kane ka jingwan selfie une u samla ka la pynkyndit wat ia u bah ardent uba dang ai jingkren ban pynshai shaphang ka jingkynnoh uwei u samla khynnah uba la pynpaw ha rynsan social media uba ong, lada dei ma nga, ngan nym ai FIR.
U bah Ardent u la ong ba ha kine ki sngi ki don shibun kiba kynthoh hynrei um shym la sngap hynrei haba u la buh status haba don ki briew kiba kynthoh palat liam kiba ioh ki la ai mynsiem ban nym pynsngap bad dei ha kane ka por une u samla u la wan tur beit shajan ban shondur selfie bad u bah ardent hynrei ki nongkitkam ka VPP kiba don lang hakhmat ki la beh noh ia u.