Knieh ka United State ia ka kyrdan ba nyngkong ia ka China ha Olympic tang da ki takma rupa
Shillong:
Ka jingtrei shitom ki rang bad ki theiialehkai ka United State of America kat haduh ba ki la ioh ban bat ia ka kyrdan kaba nyngkong tang hapoh shisngi ha ka jingioh ban khur bun ki takma ha ka Olympic 2024 kaba la pynkut ha ka 11 tarik mynta u bnai ha Paris, France.
Kat haduh ka 10 tarik Nailar ka China ka dang bat ia ka kyrdan kaba nyngkong ha ka jingioh bun ki takma ksiar hynrei shwa ban kut ka jingialehkai Olympic ha ka 11 tarik mynta u bnai ka United State ka la wan ha kyrdan kaba nyngkong da kaba tam ia ka China tang namar b aka ioh bun ki takma rupa namar ia ka takma ksiar ki la ioh mar 40 tylli.
Katba ka India ka wan ha kyrdan kaba 71 namar ka ioh kawei ka takma rupa bad 5 tylli ki takma rnong.
Ka United State ka la ioh 40 tylli ki takma ksiar, 44 tylli ki takma rupa, 42 tylli ki takma rnong bad baroh ka ioh 126 tylli.
Ka China kaba wan ba ar ka ioh 40 tylli ka takma ksiar, 27 takma rupa, 24 takma rnong baroh 91 tylli.
Ka Japan kaba wan b alai ka ioh 20 tylli ki takma ksiar, 12 takma rupa bad 13 takma rnong bad baroh ka ioh 45 tylli.
Ka Australia kaba wan ba saw ka ioh 18 tylli ki takma ksiar, ka France kaba wan ba san ka ioh 16 tylli ki takma ksiar, ka Netherland kaba wan ba hynriew ka ioh 15 tylli ki takma ksiar, ka Great Britain kaba wan ba hynniew ka ioh 15 tylli ki takma ksiar, ka south korea kaba wan ba phra ka ioh 13 tylli ki takma ksiar, ka Italy ka wan ba khyndai ka ioh 12 tylli ka takma ksiar, 13 tylli ki takma rupa bad 15 tylli ki takma rnong katba ka Germany kaba wan ba 10 ka ioh 12 tylli ki takma ksiar, 13 tylli ki takma rupa hynrei ka duna noh ka takma rnong namar ka ioh tang 8 tylli.