Shillong,3,Naiwieng-
Ka Myntri jong ka sorkar jylla ba dei peit ia ka tnad ka rep ka riang ka kong Ampareen Lyngdoh ka la pynpaw ka jingsngewkmen ban iohi ba ki nongrep ki jong ngi ba ki ioh ban wan ban ia die ia thied ia la ki jong ki mar ki mata ha kane ka iew ka ba heh bha ha Nongbah Delhi.
Ka kong Ampareen ka la ong ba kane kadei ka lad ka ba biang ia ki khun samla ba kaei ka ba ki leh bad ban ioh kum kane ka lad ban wan ia die ia thied bad ban pyni ia la ki jong ki mar bam ki ba pher bapher.
Ia kine ki kyntien ka kong Ampareen ka ong hadien ba ka la plie paidbah iaka jaka pyninam iaki mar rep, ki mar bam mar dih bala pynmih naka jylla Meghalaya haka World Food India 2023 jong ka Ministry of Food Processing and Industries kaba la long ha nongbah Delhi.
La sakhi ha kane ka sngi ruh ha ka jingiadonlang ka kong Isawanda Laloo Secretary ka tnad Agriculture and Farmers Welfare Department, bad kiwei kiwei ki ophisar sorkar ka jylla.
Ha ka jingiakren bad ka kong Ampareen mynta ka sngi jong ka 3 tarik u Naiwieng 2023 ha Nongbah Delhi hadien ba la dep wan peit ia ki 14 tylli eiei ki dukan khasi ba ki pyni ia ki mar rep ka la kyntu iaki khun samla ba kin phaikhmat biang sha ka rep ka riang sha ki kper ki phrah jong ki, ym ban ap tang haki kam sorkar namar kane ka dei ka lad aikam aijam ruh kaba khraw. ka la ong ruh ba la sorkar MDA-2 mynta ka shimkhia ban kyntiew iaka rep ka riang haka jylla.
