Ka jingiai bteng ka KHADC ban kynra treding licence ïa ki dukan bar jylla kam pat la shongthait ha ka jingialam u CEM u Bah Pyniaid Sigh Syiem, myn ha ka 7 tarik Naiweing 2023, la sakhia ba u CEM ka KHADC U Bah Pynïaid Sigh Syiem ryngkat u EM ka ka taxation u Bah Fantin J Lakadong, ki ophisar bad ki pulit Enforcement ka KHADC hadien ba la dep ban kynra ïa ki dukan bar jylla ha Ïew majai kila hiar ban kyndang sa ïa ki dukan bar jylla ha ïew Ishamati.
Kum ban pynkynmaw ka jaitbynriew kam pat klet ïa ka jingjia shah bom shahtied haduh ban da duh ei ka jingim uwei u dkhot sengbhalang kata u Lurshai Hynñiewta ba dei ha kane ka Ïew Ishamati ba ki paidbhur kylla jait kiba la wan thom da ka bor, Kumta na kliang ka KHADC wan hiar iut kjat ha kine ki bynta, la kumno ka jinglong jingman haiew Ishamati ban wan kyndang ïa ki dukan bar jylla kiba wan kamai hapoh u pud u sam jong ka Ri khasi.
Haba kren sha ki lad pathai khubor u CEM ka KHADC Ula ka council kam ailad ïa ki bar jylla ban wan Suh khileh kiba wan leh trai ne kam trai ïa ka khaii ka pateng jong ka jaitbynriew, ha kajuh ka por Ula kyntu ïa ki briew nongshong shnog ba mar Jan ka Ishamati ba ki dei ban long shlur ban mih shakhma ban leh trai ïa ka kam ha ri lajong bad dei ban beh ïa ki bad knie ia ka khaii ym ban shu ailad ïa kiwei ki kylla jait.
“Long katba long jia katba jia ka Council kam ailad ïa ki bar jylla kiba khlem kot khlem sla ban shu wan rung laitluid ha jaka khasi” Ula ong.
Shuh shuh Ula ioh jingtip ba kito ki kynhun kiba la shon la bom ïa u samla Lurshai, kim shem la don shuh ha kane ka Ïew Ishamati hynrei kidon sha kiwei ki jaka kiba la sdang ban seng Ïew bad na kaliang ka Council u Bah Pyniaid kan trei shitom bad Ula bthah ïa ki pulit ban dei ban thwet ïa ki haei ki don bad dei ban kem ïa kat kiba donkti kiba shoh ïa u samla Lurshai Hynñiewta.