Shillong,28,Nailur- Ka seng Hynniewtrep National Youth Front (HNYF) sengkmie mynta ka nohphai sngi ka 24 tarik u Risaw 2023 ka la leit ban khynra biang ia ki trading licence ha ki dukan thoh tiem jong ki bar jylla ki ba shong thoh tiem khlem da biang bha ki kot ki sla ha nongbah shillong.
Ka seng ka la sdang ban khynra ia ki trading licence na 4 lad teri ter haduh ban da poi ha Thembasuk.
Ha kane ka jingkhynra jong ka seng ia ki trading license la lap ba ki la don bun ki ba biang lut ki kot ki sla hynrei kaba pynsngewlyngoh ia ka seng haduh mynta ba kumno ka license ka don beit ia u Hynniewtrep katba ia u number pat ki pyniaid da u khasi.
Ka seng ka la phah khang shi syndon ia baroh kitei ki dukan thoh tiem ki bym biang ki kot ki sla.
Kumta ha kaba iadei bad kane ka seng kan iaid beit sha khmat ia kane ka kam kat haduh ban da seisoh bad ka revenue ruh kan poi beit sha ka sorkar .
Ka seng hynne ka sngi ka la kren da kaba shai ba ngim ailad ba ki bar jylla kin ioh ban kamai spah kamai jem khlem kot khlem sla ha ka bri u Hynniewtrep jong ngi.
Ki la ong ruh ba bun ki leh benami ia ka kyrteng jong u khasi katba ka kam pat kadei beit jong u mynder, ha kaba iadei bad kane ka seng kan ym ailad bad kan dang iaid sha khmat ban peit lut ia baroh ki dukan thoh tiem ki ba shong beaiñ ha baroh jong ka nongbah shillong.