Shillong,28,Risaw- Ka Seng Hynñiewtrep National Youth Front (HNYF) East Khasi Hills District ha ka jingialam u bah Bless kum u president mynta ki la khot hajir ia u Manager u bah Brighsterwel marbañiang u ba dei peit ia ka surok ba la sangeh ban shna ia ka surok na Damsait shaduh ha lad jong ka ophis Districts Council Shillong.
Ka jingkhot ka seng ia u bah Brighsterwel marbañiang ka long ban tip bad sngewthuh ba na kano ka daw ba la pynsangeh ban siang rong ia kane k surok ba la tih thep ia ki pipe um. Kumta ha ka jingiakren bad u kontraktor bad u manager ki la pyntip ba ka daw ba ki la sangeh kadei ba dang pynthut u slap.
U Bah Brighsterwel Marbañiang uba dei u manager jong ka kompany Raju Basamasturi haba iakren bad ki nongthoh khubor ha ka ophis treikam jong ka HNYF kaba don ha Mawlai, u la iathuh ba ia kane ka surok ki la dep ban siang shuwa ban wan ka jingialang bah jong ka G20 bad hadien kane ka wan noh ka aiom lyiur ki sa pynsangeh noh shwa.
U bah Brighsterwel u la kular ba ia kane ka surok yn sa sdang noh ban siang mynta hi ka janmiet sngi Saitjaiñ namar lada pyntrei mynsngi ka knam jynjar ba bun ki kali nad iaid bad u la kular ban pyndep noh shuwa ka Khristmas.