Shillong:
Ha ka jingjia kaba shyrkhei, la bret ia ka met iap jong kawei ka kynthei kaba dang 25 snem ka rta sha ka wah Indrayani ha Pune da u paralok jong ka uba la kynnoh bad u paralok jong u, bad ha ka jingjia kaba shyrkhei, kine ki arngut kiba la shah kynnoh ki la bret ia ki arngut ki khun jong ka, kiba dang ar snem ka rta bad san snem, shapoh ka um haba ki la sdang ban iam hadien ba ki la sakhi ia ka jingjia jong ka kmie jong ki.
Katkum ka jingïathuh jong ki pulit, ha ka 9tarik Naitung, u lok jong katei ka longkmie bad u nongshah kynnoh ba kongsan, u Gajendra Dagadkhaire, u la phah ïa kane ka longkmie kaba 25 snem ka rta sha Thane hajan Mumbai ban pynduh khun hadien ba u la lap ba ka pun khun na u.
Hynrei katei ka longkmie ka la khlad noh ha ka por ba leh ia kane ka kam bad u Dagadkhaire ryngkat bad u paralok jong u, u Ravikant Gaikwad, ki la rah ia katei ka metiap bad bret sha ka wah Indrayani.
Katkum ka jingiathuh ki pulit mar ia sakhi ia kane ka jingjia kaba shyrkhei, katei ka kynthei arngut ki khynnah, kiba dang ar bad san snem ka rta, ki la sdang ban iam bad arngut ki shynrang kiba shah kynnoh, ki la bret ia ki khun sha wah ruh kumjuh.
Ki pulit ki la iathuh ba ki khun jong ka kiba dang ar bad san snem ka rta ki la sdang ban iam, kine ki arngut ki la bret ia ki sha ka wah ruh kumjuh. Katei ka kynthei ka la iakhlad noh na u tnga jong ka bad ka don ha ka jingiadei bad ka Dagadkhaire, kaba la pynlong ia ka ban pun khun. Kane ka jingjia ka la paw pyrthei haba ki pulit ki la sdang ïa ka jingtohkit hadien ba ka kmie jong katei ka longkmie ba la shah pynïap ka la leit sha ki pulit da kaba ujor ïa ka jingjah briew.
La ong ba la kem ïa u Dagadkhaire bad u Gaikwad da kaba pynshong nongrim ha ki sakhi sabut kiba la ïoh na ka jingstad.
Hadien ba ka kmie jong katei ka longkmie ka la leit sha ki pulit da ka jingujor ba jah, la sdang ka jingtohkit, kaba la pynlong ban kem ia u Dagadkhaire bad u Gaikwad da kaba pynshong nongrim ha ki sakhi sabut ba stad.
U Dagadkhaire bad u Gaikwad ki la shah set ha ki pulit haduh ka 30 tarik Naitung bad Ka jingtohkit kaba kham bniah halor kane ka kam ka dang iaid shakhmat.