Shillong, Naiwieng 13:
Ka phlim Tiger-3 kaba la ak da u Salman Khan bad Katrina Kaif ka la kamai haduh 44.5 klur tyngka ha ka sngi sdang pyni ha ka 12 tarik Naiwieng 2023 kaba dei ka sngi rakhe Diwali ki riewngeit hindu.
Ka phlim Tiger-3 ka dei ka phlim hindi kaba pyni paidbah ha ka sngi u Blei kaba dei ka 12 tarik Naiwieng kum ka jingrakhe ia ka Diwali namar baroh ki phlim hindi ki ju sdang pyni ha ka sngi thohdieng.
Ha kane ka phlim la iohi ba ka jingrwai Leke Prabhu Ka Naam kaba la poi palat 81 million view hapoh ar taiew ha youtube channel YRF la pyni haba kut jong ka phlim.
Ia kane ka phlim la Direct da u Maneesh Sharma, ba la pynmih da u Aditya Sharma uba dei ruh uba thoh ia ka khana.
Kane ka phlim ka jrong kumba 3 kynta duna ha ka jingmang pynlut kaba 300 klur tyngka.