Shillong, Naiwieng 13:
U Nongïalam ka Liang Pyrshah ha ka ïing dorbar jong ka Khasi Hills Autonomous District Council u Bah Titostarwell Chyne mynta ka sngi u la pynpaw ba wat lada ka Excutive Committee jong ka KHADC hapoh ka jingïalam u Bah Pynïaid Sing Syiem ka la thaw ia ka Delimitation Committee na bynta ban phiah biang ïa ki constituency MDC ban wanrah ka jingiaryngkat ka jingdon ki nongthep vote na kawei ka constituency sha kawei pat hynrei kane kam dei ban shimpor slem haduh ban da hap pynjlan ban pynlong ïa ka election MDC.
Haba kren sha ki lad pathai khubor u Bah Titos u la ong ba kane ka komiti kam dei ban shim por slem namar kam dei ka kam kaba jwat bad ong ba kane ka jingphiah constituency kam dei ban pynjlan ïa ka election MDC.