Delhi, 3,Naiwieng
Ka nohphai sngi jong ka 3 tarik u Naiwieng 2023 ka tamasa pyni jingbam bad ki mar rep bapher bapher jong baroh ki jylla hapoh ka ri India “World Food India” ka ba la long ha nongbah Delhi ka long shisha ka ba itynnad bad ba shongkun ha kaba baroh ki jylla ki la pyni ia ki mar rep ba ki thung ki rep ha la ki jong ki shnong.
Ia kane ka program la buh haduh 3 sngi lynter ba la sdang naduh mynta ka sngi bad kan sa kut ha ka 5 tarik sngi u Blei.
la kane ka program la pynlong da ka Ministry of Food Processing Industries Government of India.
Kane ka jingpynlong ia kane ka “World Food India” ba la pynmih da ka India ka long shibynta ban pyni ia ki jingbam ba dei na ki thaiñ nongkyndong ki ba ju rep ia ki ba bun ki mar rep.
Kane la jingpyni pyrthei ka long ruh shibynta ban pynpaw pyrthei ba ka sorkar India ka khlaiñ bha ha kaba iadei bad ka jingpynmih ia ki ba bun ki jait jingbam bad ki mar rep.
Kane ka program ka long ruh ban banshah ia ka jingdon jingbun bad ka jingroi ki mar bam mar dih hapoh ka ri India. Haba leit peit ia ki ja ka ba pyninam ia ki jingbam ha kine ki area ki jait jingbam ki ba bun ba la dep song, ba la dep khleh ba la dep pynbiang lut bad ki ba long ruh ban diedie bad ka jingiakop ban pyni ia ki jait jingbam baroh ki jylla jong ka ri India.
U myntri rangbah ka ri India u Narendra Modi haba kren ha kane ka sngi wan plie ia ka ne ka program u la ong ba ka ri India kalong shisha kana riewspah ha kaba iadei bad ka jingpynmih ia ki marbam mar dih bad lyngba kum ka ne ka program ka long ruh ka Kabu oa ka ri India ban iateh bad ki ri ka pyrthei ha kaba iadei bad ki jingpynmih ia ki marbam mardih bapher bapher bad khamtam ki kompany ban pynmih marbam.
Shuh shuh u la ong ruh ka jingkyrduh bam ka dei ka jingeh jong kiba bun ki ri ka pyrthei, ka ri India mynta ka dang ïakhun ban long kum ka shang marbam jong ki ri ka pyrthei ha kaba kala don ruh ka jingkiew sted haka rukom pynmih ïaki marbam.